У ноч з 30 на 31 кастрычніка 2014 г. на 91-м годзе жыцця адышоў у вечнасць біскуп-эмерыт Івана-Франкоўскай архіепархіі УГКЦ Сафрон Мудры. Пахаванне ўладыкі Сафрона адбудзецца ў нядзелю 2 лістапада 2014 г. у Івана-Франкоўску. У суботу, 1 лістапада, а 18 гадз. - Архіерэйскі парастас у катэдральным саборы Уваскрасення Хрыстовага, які ўзначаліць патрыярх Святаслаў, глава УГКЦ.

Вечная памяць!

***

Уладыка Сафрон нарадзіўся 27 лістапада 1923 г. у Золачаве. Пачатковую і сярэднюю адукацыю атрымаў у Золачаве, а пазней у Аўгсбургу (Нямеччына) скончыў курс электраінжынерыі. Пасля вайны пакінуў Нямеччыну і пераехаў у Даўсон (Пенсільванія, ЗША), дзе ў 1949 годзе ўступіў у манастыр айцоў-базылянаў.

Падрабязней …

Прэзентацыя, прысвячаная славянскім мовам, нацыянальна-культурнаму адраджэнню славянскіх краін у XVIII-XIX ст. адбылася ў суботу, 18 кастрычніка 2014 г., на грэка-каталіцкай (уніяцкай) парафіі Маці Божай Нястомнай Дапамогі ў Менску. Сустрэча адбылася пасля супольнай малітвы Вячэрні вернікаў і гасцей парафіі.

Аўтар прэзентацыі Максім Маханькоў звярнуў свой погляд на адраджэнне ў Чэхіі, Славакіі і Балгарыі, спрабуючы звязаць прыклад гэтых народаў з моўнай сітуацыяй у нас, у Беларусі, каб кожны мог узяць нешта для сябе з досведу нашых славянскіх братоў і пераканацца ў тым, што за беларускую мову трэба і можна змагацца. Удзельнікі сустрэчы маглі пераканацца на фактах, што іншыя мовы былі ў яшчэ горшых сітуацыях, але яны выжылі, захаваліся, развіваліся і сталі моцным падмуркам гэтых дзяржаў.

Падрабязней …

16-20 кастрычніка (6-10 кастрычніка паводле старога стылю) 1596 году ў Берасці на царкоўным саборы Кіеўская праваслаўная мітраполія афіцыйна абвесціла пра аднаўленне сваёй поўнай сулучнасці з Рымскім Апостальскім Пасадам.

Усталяванне ў Беларусі ўніяцкай веры, якая спалучала традыцыйную ўсходнюю абрадавасць з каталіцкімі царкоўнымі дагматамі, напачатку ішло пакутліва цяжка. Своеасаблівым сімвалам гэтага стаў жыццёвы шлях полацкага арцыбіскупа Язафата Кунцэвіча, які ўвосень 1623 г. прыняў пакутніцкую смерць пад час бунту ў Віцебску і пазней быў прылічаны да святых. Але паступова Царква ўмацоўвала свае пазіцыі.

Падрабязней …

Падчас паломніцкай паездкі па Італіі мясцінамі св. Альфонса, заснавальніка Кангрэгацыі Найсвяцейшага Адкупіцеля, браты-студэнты Львоўскай правінцыі рэдэмптарыстаў у свята Перамянення Гасподняга 19 жніўня 2014 г. (за старым стылем) наведалі г. Скаля, у якім св. Альфонс атрымаў аб'яўленне ад Багародзіцы заснаваць новую місіянерскую кангрэгацыю, а таксама г. Чарані, дзе паўстаў першы манастыр заснаванай супольнасці.

Падрабязней …

31 жніўня 2014 г. у касцёле Найсвяцейшай Тройцы ў Друі (Віцебская вобл.) адбудзецца святкаванне 100-годдзя нараджэння першага беларускага грэка-каталіцкага  біскупа ў ХХ ст. Чэслава Сіповіча. На святкаванне прыбудуць апостальскі нунцый у Беларусі арцыбіскуп Клаўдыё Гуджэроцці, біскуп Віцебскі Алег Буткевіч, апостальскі візітатар для грэка-католікаў Беларусі архімандрыт Сяргей Гаек, асістэнт апостальскага візітатара для беларусаў замежжа айца Аляксандра Надсана айцец Сяргей Стасевіч (Лондан). Ушанаваць славутага земляка ў гэты дзень у друйскай парафіі запрашаюцца ўсе жадаючыя.

Падрабязней …

Сустрэча з удзельнікамі суполкі "Спадчына" адбылася на парафіі Маці Божай Нястомнай Дапамогі ў Менску ў нядзелю, 3 жніўня 2014 г. Ініцыятарам гэтай сустрэчы стаў старшыня парафіі Ян Гнатавіч Антанюк, які адначасова з'яўляецца адным з членаў "Спадчыны".

Падрабязней …

“Будзьце мужнымі! Адвагі!” - гэтыя словы, якія святы Папа Ян Павел ІІ накіраваў 7 студзеня 2005 г. да беларускіх грэка-католікаў, сталі дэвізам пілігрымкі з Віцебска ў Полацк у гэтым годзе.

У шлях пілігрымкі выйшла амаль 50 асобаў рознага ўзросту, улічваючы малую групу “велапілігрымкі”, якую на роварах узначальваюць а. Антон Нікалаеў (рэдэмптарыст) ды а. Пахом Кавалёў (студыт) з Менску.

Падрабязней …

Трыццаць адзін вернік з грэка-каталіцкіх парафій Менску, Баранавічаў, Маладзечна і Івацэвічаў на чале з а. Зміцерам Чарнялём, рэдэмптарыстам, узялі ўдзел у пілігрымцы да блаславёнага Мікалая Чарнецкага ў Львоў (Украіна), якая адбылася з 27 да 29 чэрвеня 2014 г. Пілігрымка адбылася з нагоды 130-годдзя з дня нараджэння і 55-годдзя з дня смерці блаславёнага святамучаніка, дзейнасць якога як апостальскага візітатара для грэка-каталікоў была звязаная і з беларускімі землямі.

Падрабязней …

Напярэдадні часу пілігрымак у свята апосталаў Пятра і Паўла 29 чэрвеня 2014 г. на грэка-каталіцкай парафіі Маці Божай Нястомнай Дапамогі ў Менску быў прадстаўлены зборнік найлепшых паломніцкіх спеваў па-беларуску — “Беларускі Пілігрымскі Хіт”, які выйшаў пры падтрымцы кампаніі «Будзьма беларусамі».

Распачалася нядзельная імпрэза з выканання беларускага рэлігійнага гімну «Магутны Божа» грэка-каталіцкім хорам «Прасфара». Затым перад гасцямі выступілі некаторыя з удзельнікаў «Беларускага Пілігрымскага Хіту» – гурт «Laudans», выканаўцы Мікола Крышнёў і Алеся Ўнукоўская. Прачытала свае вершы, прысвечаныя пілігрымкам, і журналістка Аксана Ючкавіч.

Падрабязней …

У нядзелю, 29 чэрвеня 2014 г., падчас Боскай Літургіі, якую ўзначаліў архімандрыт Сяргей Гаек, у грэка-каталіцкім храме “Дом Ласкі” ў галілейскім горадзе Хайфа (Ізраіль) вернікі ўшанавалі памяць блаславёнага святамучаніка Мікалая Чарнецкага.

Знаходзячыся 28 ды 29 чэрвеня ў Галілеі ў рамках агульнабеларускай пілігрымкі на Святую Зямлю, архімандрыт Сяргей прыняў запрашэнне а. Рыгора, які з блаславення апостальскага адміністратара Мельхіцкай грэка-каталіцкай епархіі Галілеі арцыбіскупа Майсея духоўна акармлае ўкраінскіх вернікаў, што жывуць у г. Хайфа.

Падрабязней …