8 снежня 2020 г. быў апублікаваны Апостальскі ліст Папы Францішка Patris corde («Бацькоўскім сэрцам»), прысвечаны 150-годдзю прызнання святога Язэпа апекуном Каталіцкай Царквы. Пантыфік, ушаноўваючы рашэнне блаславёнага Папы Пія IX, выражанае ў дэкрэце Quemadmodum Deus 1870 г., абвясціў у Царкве адмысловы Год святога Язэпа. Ён будзе працягвацца з 8 снежня 2020 г. да 8 снежня 2021 г.

Таксама з нагоды гэтага Года Папа абвесціў адпуст (індульгенцыю) для ўсіх, хто выканае патрэбныя ўмовы і прыме ўдзел у падзеях Года св. Язэпа вызначаным чынам. Ёсць тры звычайныя умовы, якія неабходна выканаць, каб атрымаць адпуст (індульгенцыю): 1) быць у стане асвячальнай ласкі (г.зн. не мець на сумленні цяжкіх грахоў, калі такія ёсць, неабходна прыступіць да споведзі), 2) прыняць Святое Прычасце, 3) памаліцца ў намеры Святога Айца (“Ойча наш”, “Багародзіца Дзева” і “Слава”). Да гэтых трох умоў неабходна выканаць прынамсі адзін вызначаны учынак з нагоды Года св. Язэпа.

Падрабязней …

Манах Грэка-Каталіцкай Царквы Сяргей Ганчароў вядомы ў сацсетках пад псеўданімам Падрэ Серж. У 2011 годзе ён прыбыў ва Украіну з Беларусі. Цяпер жыве і служыць у Цярнопалі ў манастыры рэдэмптарыстаў – Кангрэгацыі Найсвяцейшага Адкупіцеля. Кожны дзень айцец запісвае па-ўкраінску відэаблогі (влогі) на рэлігійныя тэмы, якія ўжо сталі даволі папулярнымі на Youtube і Facebook. Неўзабаве ён плануе распачаць влогі на беларускай мове для сваіх землякоў-беларусаў.

Падрабязней …

Уніяцкая Царква, якая была ліквідаваная расійскім урадам у Беларусі ў 1839 г., а пазней на Холмшчыне і Падляшшы ў 1874-75 гадах, працягвала існаваць і дзейнічаць на землях Галічыны, што адышлі пасля падзелаў Рэчы Паспалітай да Аўстрыі. Пасля завяршэння савецка-польскай вайны 1919-1921 гадоў паводле ўмоў Рыжскага міру ў склад Польскай дзяржавы ўвайшлі землі Заходняй Беларусі і Заходняй Украіны.

З пачатку ХХ стагоддзя на чале Грэка-Каталіцкай Царквы ў Галічыне быў мітрапаліт Андрэй Шаптыцкі, які праводзіў мэтанакіраваную дзейнасць па адраджэнні уніі на тэрыторыі Валыні і Беларусі. Каталіцкая Царква разглядала некалькі варыянтаў адраджэння уніі на гэтых землях. У той жа час польскія дзяржаўныя ўлады негатыўна ставіліся да ідэі адраджэння самастойнай Грэка-Каталіцкай Царквы за межамі Галічыны. У такіх умовах Святы Пасад быў вымушаны разгледзець іншыя варыянты.

Падрабязней …

Святы Айцец Францішак 5 траўня 2020 г. ухваліў беатыфікацыйныя дэкрэты адносна прызнання гераічнасці цнотаў пяці асобаў, у тым ліку Слугі Божага Францыска Барэчэгурэна Мантагута, святара Кангрэгацыі Найсвяцейшага Адкупіцеля; нарадзіўся ў Лерыдзе (Іспанія) 21 жніўня 1881 года і памёр у Гранадзе (Іспанія) 7 кастрычніка 1957 года, а таксама яго дачкі, Слугі Божай Марыі дэ ла Канцэпсіён Барэчэгурэн; нарадзілася ў Гранадзе (Іспанія) 27 лістапада 1905 г. і памерла там жа 13 траўня 1927 года.

Падрабязней …

Беларускі рэдэмптарыст а. Сяргей Ганчароў, які 12 лютага 2020 г. адзначыў год свайго святарства, за гэты год стаў вядомым і папулярным каталіцкім блогерам ва Украіне, дзе айцец цяпер служыць. Яго канал на YouTube набліжаецца да 7 тыс. падпісчыкаў, а колькасць праглядаў кожнага роліка разам з Facebook перавышае сотню тысяч. 

Падрабязней …

Пасля першай спробы рэдэмптарыстаў Львоўскай правінцыі распачаць служэнне ў Беларусі сярод беларускіх грэка-католікаў, якая пачалася ў 2012 годзе, у канцы лютага гэтага года зроблена другая спроба.

Айцец Зміцер Чарнель, CSsR, пасля гадоў фармацыі і святарскіх свячанняў у лістападзе 2012 года, быў прызначаны на новае служэнне ў Беларусі на парафію Маці Божай Нястомнай Дапамогі ў Мінску са снежня 2012 года па жнівень 2016 года, пасля чаго быў адкліканы ва Украіну.

Падрабязней …

Прыміцыйныя Літургіі адслужыў у нядзелю, 3 сакавіка 2019 г. новавысвечаны святар Беларускай Грэка-Каталіцкай Царквы рэдэмптарыст а. Сяргей Ганчароў на грэка-каталіцкіх парафіях Менску. Прыміцыі (ад лацінскага primitiae) - гэта першыя Боскія Літургіі, якія служыць святар і напрыканцы якіх удзяляе вернікам асаблівае блаславенне.

Падрабязней …

Чарговая сустрэча курсаў “Мова нанова” ў Берасці 25 лютага 2019 г. была прысвечана тэме Берасцейскай уніі. Запрошанымі гасцямі былі мясцовы краязнавец Ігар Бараноўскі і грэка-каталіцкі святар а. Зміцер Чарнель, рэдэмптарыст.

Падрабязней …

Беларускі рэдэмптарыст дыякан Сяргей Ганчароў, а таксама яго ўкраінскі сабрат дыякан Васіль Чавага атрымалі святарскія свячанні ў дзень Трох свяціцеляў па юліянсім стылі 12 лютага 2019 г. Падзея адбылася ў царкве св. Язафата ў Львове (Украіна). Таінства ўдзяліў дапаможны біскуп Львоўскай архіяпархіі УГКЦ уладыка Уладзімір Груца, які ў свій час быў магістрам айцоў у навіцыяце.

Падрабязней …

Дыяканскія свячанні атрымаў беларускі рэдэмптарыст бр. Сяргей Ганчароў 19 жніўня 2018 г. на свята Перамянення Госпада нашага Ісуса Хрыста па старым стылі. Свячанні ўдзяліў дапаможны біскуп Львоўскай архіяпархіі УГКЦ уладыка Уладзімір Груца. Падзея адбылася ў царкве св. Язафата ў Львове. Разам з бр. Сяргеем дыяканскія свячанні атрымаў яшчэ адзін рэдэмптарыст бр. Васіль Чавага.

Падрабязней …