ХХІ пілігрымка Віцебск - Полацк

Пачалася падрыхтоўка да штогадовай грэка-каталіцкай пілігрымкі Віцебск – Полацк, якая пройдзе ў днях 7-12 ліпеня 2015 г.

Дэвіз ХХІ пілігрымкі: “Люблю прыказанні Твае, Госпадзе!" (Пс. 119:159)

Традыцыйны шлях святамучаніка Язафата - ад месца ягонага мучаніцтва (Віцебск) да ягонай Полацкай катэдры і месца мучаніцкай смерці Полацкіх пакутнікаў манахаў-базылянаў - пілігрымы пройдуць за 5 дзён: з аўторка да суботы.

Блаславёны Васіль Велічкоўскі ў Беларусі

Адным з кіраўнікоў пераследаванай Грэка-Каталіцкай Царквы ў савецкія часы быў біскуп-рэдэмптарыст Васіль Велічкоўскі, які стаў месцаблюсціцелем мітрапаліта пасля выезду за межы Савецкага Саюза Іосіфа Сліпога ў 1963 г. За сваю вернасць Хрысту і Царкве гэты вызнаўца веры нашых дзён адбыў 10-гадовую катаргу ў Сібіры і 3-гадовае катаванне ў псіхічнай лякарні ў турме строгага рэжыму на Данбасе. У 2001 г. падчас візіту ва Украіну Папа Ян Павел ІІ абвесціў яго блаславёным мучанікам.

Памёр а. Аляксандр Надсан

У Лондане на 89-м годзе жыцця адышоў да Госпада мітрафорны протаярэй айцец Аляксандар Надсан.

«Сёння Бог забраў да сябе нашага айца Аляксандра. Гэта здарылася а 22.20 [15 красавіка 2015 г.] у шпіталі Барнэта (Лондан), куды ён быў узяты на лячэнне ў гэты панядзелак у выніку развіцця хваробы нырак. З восені мінулага году айцец цяжка хварэў. Яму было 88 гадоў. Вечная памяць», — паведаміў у сваім фэйсбуку лонданскі святар Сяргей Стасевіч.

17 КРАСАВІКА а 18.30 у капліцы грэка-каталіцкага Цэнтра св. Язэпа па вул. Арджанікідзе д. 6 будзе адслужана Паніхіда за супакой душы спачылага а. Аляксандра НАДСАНА.

Грэка-католікі Менску адзначылі 25-гадовы юбілей адраджэння літургічнага жыцця БГКЦ

25-годдзе аднаўлення адкрытага літургічнага жыцця Грэка-Каталіцкай Царквы ў Беларусі адзначылі вернікі менскіх грэка-каталіцкіх парафій 11 сакавіка 2015 г. Святкаванне адбылося ў капліцы Маці Божай Нястомнай Дапамогі, дзе служаць айцы-рэдэмптарысты. Літургію раней асвячаных Дароў з гэтай нагоды ўзначаліў апостальскі візітатар архімандрыт Сяргей Гаек. Богаслужэнне сваім спевам суправаджаў міжпарафіяльны грэка-каталіцкі хор "Прасфара".

Архімандрыт Сяргей Гаек: «Грэка-Каталіцкая Царква ў Беларусі — жывая супольнасць, якая стараецца жыць сваёй духоўнай спадчынай»

25-годдзе аднаўлення адкрытага душпастырства і літургічнага жыцця адзначаюць грэка-католікі Беларусі. 11 сакавіка — угодкі беларускамоўнай службы ў Менску апостальскага візітатара для беларусаў замежжа а. Аляксандра Надсана. Інтэрв’ю з гэтай нагоды даў апостальскі візітатар для грэка-католікаў Беларусі архімандрыт Сяргей Гаек.

Віншавальны ліст старшыні Канферэнцыі каталіцкіх біскупаў Беларусі

Дастойны архімандрыт Сяргeй!

Ад імя Канферэнцыі каталіцкіх біскупаў Беларусі прагну выказаць вам, шаноўным святарам і вернікам Грэка-Каталіцкай Царквы ў Беларусі братэрскае прывітанне і шчырыя віншаванні з нагоды 25-годдзя аднаўлення адкрытага душпастырства і літургічнага жыцця.

Велікапосныя рэкалекцыі ў Лідзе

Велікапосныя рэкалекцыі на парафіі св. Язафата ў Лідзе Гарадзенскай вобл. адбыліся 7-8 сакавіка 2015 г. Духоўныя канферэнцыі для вернікаў парафіі, а таксама сустрэчу для моладзі правёў а. Зміцер Чарнель, рэдэмптарыст, з Менску.

"Соль" уваходзіць у рэальнасць

Моладзевая супольнасць "Соль" грэка-каталіцкай парафіі Маці Божай Нястомнай Дапамогі ў Менску ўваходзіць у свет рэальнасці. Доўгі час супольнасць існавала толькі ў выглядзе старонак у сацыяльных сетках. 28 лютага 2015 г. асобы, якія выказалі жаданне належаць да аб'яднання, жывога ў рэальным жыцці, сабраліся на сустрэчу ўпершыню як супольнасць.

Дні ўспаміну Рыгора Барадуліна ў Менску

Гэтымі днямі краіна ўшаноўвае памяць памерлага год назад народнага паэта Беларусі Рыгора Барадуліна. У суботу, 28 лютага 2015 г., у дзень малітвы за памерлых на грэка-каталіцкай парафіі Маці Божай Нястомнай Дапамогі (зав. Снежны, 7) а 10 гадз. адбузецца Святая Літургія за супакой.

У першую гадавіну смерці народнага паэта ў панядзелак, 2 сакавіка 2015 г., а 18 гадз. у капліцы грэка-каталіцкага Цэнтра св. Язэпа па вул. Арджанікідзе д. 6 будзе адслужаная Паніхіда за супакой душы спачылага.

У пятніцу, 27 лютага 2015 г., а 18:30 у Палацы мастацтваў адбудзецца вечар памяці і прэзэнтацыя кнігі мэмуараў «Дзённікі і запісы» (1951–1969 гг.), выдадзеныя Наталляй Давыдзенкай, якая яшчэ пры жыцці Рыгора Барадуліна пачала збіраць дакумэнты і знайшла ў Вушачах унікальныя школьныя дзённікі паэта. Кніга выйшла намаганнямі МГА «Згуртаванне беларусаў свету «Бацькаўшчына» і ГА «Саюз беларускіх пісменнікаў» у выдавецтве «Кнігазбор».

 

Пастырскае слова апостальскага візітатара для грэка-католікаў Беларусі на Нядзелю праваслаўя 2015 г.

Пачэсныя айцы святаслужыцелі!
Дарагія манахі, манахіні і браты-семінарысты!
Любыя ў Госпадзе браты і сёстры! Паважаныя сябры!

1. Вялікі пост – гэта час, калі Святая Царква заклікае нас увайсці на шлях больш цеснай сувязі з Ісусам Хрыстом, наблізіцца да таямніцы Яго пакут і Уваскрасення.
На пачатку Вялікага посту ў гэтым годзе Яго Святасць Папа Рымскі Францішак нагадаў нам, што чалавек – стварэнне абмежаванае, грэшнае, якое патрабуе пакаяння і навяртання да Бога. Навярнуцца да Бога «ўсім сэрцам» значыць, па словах Папы, «ступіць на шлях не павярхоўнага перамянення, а на духоўны шлях, пракладзены ў сэрцы чалавека, там, дзе засяроджаны яго пачуцці і адносіны, там, дзе ён робіць выбар».